news main imagenews main imagenews main image

Jabra-ն ներկայացրեց իր նոր ապրանքատեսականին Հայաստանում

Երևանում կայացավ «ԼանԱր Սերվիս» ՍՊԸ-ի, «ԷՄ.ՅՈՒ.ՔԵՅ. ՔՈՄՓՅՈՒԹԵՐՍ» ՍՊԸ-ի և Jabra-ի համատեղ կազմակերպած միջոցառումը, որի ընթացքում ներկայացվեցին արտադրողի նորարարական լուծումները՝ ականջակալների և կոնֆերանս սենյակների համար։

Միջոցառումը մեկ վայրում համախմբեց Հայաստանի բիզնես և տեխնոլոգիական ոլորտների տարբեր կազմակերպությունների ներկայացուցիչների։ Հյուրերի թվում էին ֆինանսական կառույցների, միջազգային ընկերությունների, զանգերի կենտրոններ ունեցող կազմակերպությունների, խոշոր ծրագրավորման ընկերությունների և այլ խոշոր բիզնեսների ներկայացուցիչներ։

Նոր սերնդի լուծումներ՝ ժամանակակից աշխատանքային միջավայրի համար

Միջոցառման ընթացքում մասնակիցներին ներկայացվեց Jabra-ի նոր ապրանքատեսականին, ականջակալների հիմնական հնարավորություններն ու առավելությունները, ինչպես նաև կոնֆերանս սենյակների համար նախատեսված լուծումները։ Առանձնահատուկ ուշադրություն դարձվեց այն հնարավորություններին, որոնք կարևոր են ժամանակակից աշխատանքային միջավայրում՝ բարձրորակ և հստակ ձայնային հաղորդակցություն, արդյունավետ աշխատանք զանգերի և հանդիպումների ընթացքում, օգտագործման հարմարավետություն և ժամանակակից բիզնես միջավայրին համապատասխան տեխնոլոգիական լուծումներ։

Մասնակիցների համար միջոցառումը հնարավորություն էր ոչ միայն ծանոթանալու Jabra-ի նոր արտադրանքներին, այլև քննարկելու ժամանակակից բիզնես հաղորդակցության պահանջներն ու դրանց համար նախատեսված տեխնոլոգիական լուծումները։

Միջոցառման ինտերակտիվ հատվածը լրացվեց հետաքրքիր մրցույթով, որի ընթացքում մասնակիցները հնարավորություն ունեցան ստուգելու իրենց գիտելիքները և շահելու հատուկ մրցանակներ։

Միջոցառումն ավարտվեց համեղ ընթրիքով, հետաքրքիր և ջերմ զրույցներով՝ ստեղծելով մասնակիցների միջև շփման և փորձի փոխանակման հաճելի միջավայր։

«ԼանԱր Սերվիս» ՍՊԸ-ն, որպես տեխնոլոգիական լուծումների մատակարար և Jabra-ի գործընկեր, շարունակում է հայկական շուկային ներկայացնել միջազգային առաջատար արտադրողների նորարարական լուծումները՝ օգնելով կազմակերպություններին ընտրել իրենց աշխատանքային գործընթացներին համապատասխան տեխնոլոգիաներ։

Jabra event in Armenia Jabra event in Armenia

Created by NS5 LLC.
Report website issues to: [email protected]